Raho me pade kaante to kya,Manzil paane ki aas to hai.
Kal ka suraj apna hoga,Mann me ye vishwas to hai..
Ankho me kuchh aansu aur kuch sapne hain,Aansu aur sapne dono hi apne hain.
Aage chalkar hamko karne hai pure, Khwab jo dekhe milke ham sabne hain..
Pahuche hain is jagah pe aaj,kyoki hamme kuch khaas to hai.
Kal ka suraj apna hoga, mann me ye vishwas to hai........................
Har raat k baad hai din hota,Haar k baad jeet bhi hai.
Hardam kahta aage badhne ko,Bahte jharne ka sangeet bhi hai..
Jhooth aur nafrat ki naiyya,kabhi paar nahi hoti hai.
Aur mehnat karne waale ki, kabhi haar nahi hoti hai..
Mehnat aur vishwas ki taakat,Ab bhi hamare paas to hai.
Kal ka suraj apna hoga,Mann me ye vishwas to hai..........................
Abhi to pankh failae hain, puri udaan abhi baaki hai.
Abhi to naapi hai mutthi bar jamin,pura aasmaan abhi baaki hai.
Jo bhi hua vo beet gaya,Peechhe nahi ab mudna hai.
Chaaro dishaaye kah rahi hain, Itihaas hame ab rachna hai..
Manjil ki dhun me aaye hain,Manjil ko paakar maanenge.
Kismat jo hamara saath na de to, Takdeer badalkar maanenge..
Jab tak chalengi apni saanse, Jeetne ki hame aas to hai.
Kal ka suraj apna hoga mann me ye vishwas to hai...........................
Subscribe to:
Post Comments (Atom)
No comments:
Post a Comment